Дьокуускайга салайар үлэлэргэ
1938-1939 сылларга Доруобуйа харыстабылын народнай комиссарынан үлэлиир кэмигэр туберкулез, трахома ыарыыта өрө турбутун туоратыыга сүңкэн үлэни ыыппыта. Баара суо5а сыл иһигэр республика араас муннугар балыыһа бө5өнү астарбыта, эмп үлэһиттэрин ахсаанын лаппа улаатыннарбыта. Аны республика сайдыытыгар, норуот кэскилигэр наука оруолун табатык уонна дириңник өйдөөбүтэ. 1941-1946 сылларга  республика учуонай сэбиэтин председателинэн үлэлиир кэмигэр сиртэн хостонор туһалаах баайдары разведкалааһыны, туһа5а таһаарыыны күүһүрдүүнү ситиспитэ.
1939 с. Саха АССР народнай комиссардарын Советын председателин солбуйааччытынан анаммыта. Бу дойдуга кураан дьылларга киин, илин эңэр, Бүлүү улуустарыгар улахан хоргуйуу буолбута. И.Е.Винокуров ону туоратар кэккэ дьаһаллары ылбыта оччотоо5у кэмңэ абыраллаах буолбута
Саха АССР Совнаркомун председателинэн үлэлиир сылларыгар сэрии сут-кураан сылларыгар үгүс дьону хоргуйууттан быыһаабыта. Көһөрүүгэ барбыт Чурапчы дьонун хоту улуустартан төттөрү дойдуларыгар а5алары ситиспитэ. 1947 сыллаахха Сталиңңа киирэн, Семен Захарович Борисовтыын тимир суол боппуруоһун туруорсубуттара.
Тыа хаьаайыстыбатын үрдүк үөрэхтээх специалистары, чуолаан, зоотехниктары, ветеринарнай врачтары бэлэмниир үөрэх кыһатын астарарга боччумнаахтык туруорсубут дьонтон биирдэстэрэ. 1952сыллаахтан «Сельстрой» трест управляющайынан ананан, тутуу үлэтин балысханнык ыыппыта.
Репрессия кэмигэр элбэх киһини быыһаабыта. Эдэр учуонай Георгий Прокопьевич Башарины уонна кини үс бастакы суруйааччылар А.Кулакоскай, А.Софронов, Неустроев туһунан «Три якутских реалиста-просветителя» үлэтин көмүскээбитэ буолар. Максим Аммосов, Платон Ойуунускай үтүө ааттарын норуокка төнүннэрээри Никита Сергеевич Хрущевка сурук суруйбута.