Саха биир биллэр композитора Захар Порфирьевич Винокуров 1922 сыл кулун тутар 12 кунугэр Нам оройуонун Хатын-Арыы нэhилиэгэр тереебутэ.
Захар 1931 сыллаахха Кыhыл Дэриэбинэ 2 кылаастаах начальнай оскуола5а уерэнэ киирбитэ.
1933 сылтан Намна киирэн уерэммитэ. 3 кылааска уерэнэ сылдьан, оскуола5а струннай инструменнар ансаамбыллара тэриллибитигэр бастакынан суруттаран, балалаайка5а оонньуурга дьарыктаммытынан барар.
1938 сыллаахха 7 кылааhы бутэрэн, Дьокуускайдаа5ы педагогическай училище5а уерэнэ киирэр. Училище5а ырыа, музыка учуутала Охлопков Прокопий Алексеевич, куруhуок тэрийэн, хас да о5ону бастаан мандолина5а уерэппит. О5олоро сыл анара дьарыктанаат, нотанан грамотнайдык, музыкальнайдык оонньуур буола охсубуттар. Итинэн сибээстээн, училище5а оркестр тэриллэр. Оркестр састтаабыгар киирэн, Захар уонна до5оро Серафим Гоголев скрипка5а оонньуурга кеhеллер. Училищены бутэриэр диэри музыканан дьарыктанарын у5арыппата5а.
1941 сыллаахха А5а дойду улуу сэриигэ силлиэрэр дьылыгар, училищены бутэрэн баран, Захар тереебут оройуонун Хатырык 7 кылаастаах оскуолатыгар история учууталынан улэлиир.
1944 – 47 сылларга Захар – Москватаа5ы Чайковскай аатынан консерватория дирижерскай-хоровой факультетын устудьуона. 1947 сыллаахха Захар ыарытан, академическай уоппуска ылар уонна дойдутугар теннен Саха театрыгар музыкальнай чаас сэбиэдиссэйинэн улэлиир.
Икки сылы кыайбат курдук улэлээн баран, уерэ5ин сал5аан керерге быhаарынар. Москва5а тиийбитин кэннэ, доруобуйатынан сыыйыллан, дойдутугар теннер. Дойдутугар кэлэн, Дьокуускайдаа5ы педагогическай училище5а ырыа-музыка учууталынан улэлиир уонна, уерэх министерствотын кердеhуутунэн, кыра саастаах о5олорго аналлаах ырыаны суруйарга ылсар, аан бастаан дьиннээхтик айар улэ5э турунар. Саха поэттара Аба5ыыныскай, Ча5ыл5ан тылларыгар 18 ырыаны суруйбута. Ол ырыалар о5о саадтарыгар, оскуолаларга, нууччалыы, сахалыы тылларынан бэркэ кэрэхсэнэн кун бугунугэр диэри ыллана сылдьаллар.
1951 сылтан Захар Винокуров ырыаhыт, композитор аатын ылан талана, дьо5ура сайдан барбыта. Кини айбыт ырыалара радионан бэриллэн, хаhыакка бэчээттэнэн, театрдарга, кулууптарга ылланан, норуокка тургэнник тар5аммыттара.
Ити бириэмэ5э Супруненко Василий Алексеевичка фортепиано5а, Грант Арамович Григорянна композиция5а дьулуhан уерэммитэ. Кини ырыаhыт быhыытынан киэн диапазоннаах этэ. 1955 сыллаахха Варшава5а ыччаттар уонна устудьуоннар Аан дойдутаа5ы фестиваллара буолбута. Онно 114 дойду ычата мустубуттар. Саха сириттэн Анастасия Лыткина кыттыыны ылан Захар Винокуров айбыт «Э5эрдэ» диэн ырыатын урдук кууруулээхтик толорбута. Бу саха вокальнай искусствотын Аан дойдуга маннайгы билиhиннэриитэ этэ.
1955 сыллаахха кинигэ издательствота «Дьол-уеруу ырыалара» диэн ырыанньыгы таhаарбыта. Бу кинигэ5э Захар тус бэйэтэ айбыт 48 мелодиялаах ырыалара Грант Григорян музыкальнай редакциятынан кун сирин кербутэ.
Захар Винокуров доруобуйата 1946 сылтан мелтеен барбыта, уhуннук эмтэммитэ. Кини ыалдьа да сылдьан таптыыр идэтин музыкатын бырахпата5а. Ол курдук «Хатын чаранна» диэн пьеса5а музыкатын суруйбута, «Саха сирэ ыллыыр» диэн ырыанньыгы Ф.Аргунову, Г.Никифоровы кытта бэлэмнэнн 1956 сыллаахха таhаарбыттара. Захар Порфирьевич ордук Аба5ыыныскай, Ча5ыл5ан, К.Уурастыырап, П.Тулааhынап, Л.Попов, И.Гоголев тылларыгар таптаан мелодиялары айара, суруйара. Поэт П.Тулааhынап тылыгар «Саха маршын» айбыта. Композитор бу ырыатыгар тереебут сахатын норуотун киэн кэскиллэнэр, сайдар, саргыланар, утуе суолун ете керен, ыралаан, куурээннээхтик хоhуйан-айан кэриэс хаалларбыт курдук.
Захар Порфирьевич – А5а дойдутун сэрииитин кэнниттэн саха музыкальнай культуурата сайдыытыгар кырата суох кылааты киллэрбит композиторынан буолар. Кини аата биhиги республикабытыгар эрэ буолбакка бутун Союз урдутунэн биллибитэ, сура5ырбыта.
Музыкальнай искусство сайдыытыгар утуелэрин сыаналаан Захар Винокуров аата 1962 сыллаахха Нам оройуонун музыкальнай оскуолатыгар инэриллибитэ. 1991 сыллаахха тереебут нэhилиэгэр Аппааныга музыкальнай оскуола аhыллыбыта.
Саха биир биллэр мелодист-композитора Захар Порфирьевич Винокуров утуе аата, ырыалара саха тыллаах баарын тухары келуенэттэн келуенэ5э бэриллэн иhиэ5э.

«Долгунча»
«Кыыс ырыата»
«Сааскы ырыа»

«Сылгыьыт»
«Нам кыыьа»
«Хоптолор»
«Маннайгы хаар»
«Булчут»
«Кыталыктар

Лена биэрэгэ