Ѳлөөн оройуонун тэрийиитэ.
Ѳлөөн оройуона тэриллэрэ биллибэт биричиинэлэринэн атахтанан, көс омуктарга ыарахан балаһыанньа үөскээбитин билинэн туран, Саха сирин Киин Ситэрииллээх Комитета (КСК) 1934 с. кулун тутар 8 күнүгэр саңа суһал Ыйаа5ы ылынар. Кирбэй уонна Ѳлөөн нэһилиэктэрэ ордон хаалбыттарын быһа Дьокуускайтан салаллар территориянан биллэриллэллэр. Миэстэтигэр салайарга Саха сирин КСК боломуочунайынан И.Е.Винокуров анаммыта. Уһук хоту сиргэ советскай-тэрийэр, партийнай үлэни ыытарга улахан уопуттаах салайааччы этэ.
Илья Егорович оройуону Кирбэй, Ѳлөөн, Дьэлиңдэ нэһилиэктэриттэн тэрийэргэ эппитэ. Бу олохтоохтор ба5аларын кытта сөп түбэһэрэ. Оройуон сүрүн дьарыга – дьиэ табатын иитиигэ буолуохтаа5а.  
Бастаан, Ѳлөөңңө культурнай базаны туттаран, көс дьоно бииргэ көмөлөсүһэн үлэлииллэрин тэрийэн бастакы табаарыстыбалары тэрийэр.
Илья Егорович үөрэхтээһини бастакы күөңңэ тутара. Кини ыйыытынан 1934 с. ахсынньытыгар 3 оскуола аһыллыбыта, кылгас кэмңэ 103 улахан киһи ликбезкэ үөрэнэн суруйар, аа5ар буолбута. 1940 сыллаахха улахан дьоңңо үөрэ5э суох буолууну эспитин дакылааттаабыта.
1935 с-ха Илья Егорович Ѳлөөн оройуонун Кирбэй, Ѳлөөн, Дьэлиңдэ, Соло5он-Марха нэһилиэктэриттэн тэрийэр наадалаа5ын аа5ан, ол бырайыагын оңорон, Москва5а ыыппыт. Ыйаа5ы 1935 сыл алтынньы 1 күнүгэр ылыммыта: «Об образовании в составе Якутской АССР нового Оленекского района».
Ѳлөөн оройуонун кырдьа5астара Илья Егорович Винокуров тэрийэр талаанынан, сэмэйинэн, киһини кытта кэпсэтэнньэңинэн ыарахаттары туоратыыга сүбэ-ама биэрэринэн дьоңңо-сэргэ5э кэрэхсэппитинэн: “Киһи киэнэ кэрэмэһэ, сытыы өйдөө5ө этэ” - диэн ахталлар.