Нам улууһа – төрөөбүт дойдута.
1920 сылтан ыла И.Е.Винокуров олорор оло5ор тосту уларыйыы са5аламмыта. Ол Булуңтан төрөөбүт Намыгар кэлбитэ, олох тосту уларыйан турара. Оччотоо5уга төрөөбүт дойдутугар былаас саңа олохтонон эрэрэ. Онно бэйэтин, саңа олох иһин, үлэтин са5алаабыта. Кини тыа сирин батараактарын союһун чилиэнинэн буолаат, сир үллэһигэр, баайдар бурдуктарын учуоттаһыңңа активнай кыттыыны ылбыта уонна бэйэтин салайар-дьаһайар дьо5урун көрдөрөн Якутскай куоракка советскай-партийнай курска үөрэнэр. Манна биир дойдулаа5ын, бииргэ үөрэммит до5орун М.К.Аммосовы уонна П.А.Ойуунускайы көрсүбүтэ.

1921 сыллаахха Хатың-Арыы ревкомун председателинэн анаммыта, ону таһынан Намнаа5ы потребобщество правлениетын чилиэнинэн талыллыбыта.
И.Е.Винокуров гражданскай сэрии са5аламмытыгар Намнаа5ы кыһыл этэрээккэ доброволеһынан киирэр. Саамай хаан тохтуулаах Тулагы уонна Киллэм сэриилэригэр саа-саадах тутан сэриилэһэр. Нам оройуонугар бандьыыттар тыылларыгар «Кыһыл өрүөллэр» диэн ударнай разведка 10 киһилээх этэрээтигэр Илья Егорович баара.
1931-1933сс. Нам оройуонугар МТС тэрийбитэ. МТС бастакы директорынан И.Е.Винокуров анаммыта. 1931 сыллаах сайын кылгас болдьохтоох курстары аһан, колхозтартан барыта 24 бастың ыччат трактористар курстарыгар киирэн үөрэнэллэр. Ити сыл саңа трактористар 22 бастың «фордзон» диэн 20-лии ат күүстээх английскай мааркалаах трактордары а5албыттар. Икки барыылаах булууктаах, ат сеялкатыттан эрэ обургу сеялкалаах этэ. 1933 с. Намңа трактордар парадтара буолбут. Бу сылга тыа хаһаайыстыбатын элбэх холбонор массыыналара кэлбитэ. МТС тракторнай парката үс сыл иһигэр 2 төгүл улааппыта. МТС күүһүнэн  21 колхозка 3434 гектар ыһыы сирэ оңоһуллубута. Оройуон колхозтарын ыһыыларын 64 бырыһыана МТС күүһүнэн ыһыллыбыта. Yс сыл иһигэр 70-ча тракторист үөрэнэн тахсыбыта.