1916-1920сс. – Булуңңа.

1916 сыл сайыныгар биир дойдулаа5а Иван Иванович Винокуровка батараагынан наймылаһан, Булуңңа ыам ыйыттан бала5ан ыйыгар диэри балыктыы барсар. Хамнаһа – 25 солкуобай.  Дьиңэ, хаалар санаалаа5а. Ол гынан баран, харчыта суох буолан, төннөн кэлэр уонна эһиилигэр эмиэ барсар. Бу сырыыга хамнаһа арыый үрдээн 30 солкуобай буолар. Бу сырыытыгар Булуңңа хаалар. Олохтоох баайга Жирковка батараагынан, булчутунан киирэр. Хаһаайынын кытта Новосибирскай арыыларыгар ытынан айанныыллар. Буур5а5а түбэһэн, аччыктаан, муустаах ууга түһэн, хаста да өлө сыһаллар. Онно 2 сыл буолаллар. Ол тухары куруук тыыннаах буолуу иһин охсуһаллар.  
1918 сыл муус устар ыйтан 1920 сыл сайыныгар дылы күндү түүлээх кыылларынан, үрүң эһэлэринэн уонна ыарахан сыаналаах кыыл муоһунан аатырар Муустаах арыыга тиийэн улэлиир, да баран кини тус бэйэтин оло5ор туох да уларыйыы тахсыбата5ын,  түүлээ5и да, муоһу да мунньубата5ын, аата-суола да сура5ырбата5ын, «хата ол оннугар күннэтэ аччыктааһын, ыарахан сыар5аны соһуу, биллэр көстөр төлөбүрү ылбакка сордонуу миигин кэһэппитэ - кэлэппитэ уонна кэ5иннэрбитэ» - диэн суруйар.
1920 сыллаахха хаһаайынынаан Иван Жирковтуун Булуңңа төннөллөр. Балайда өр толкуйдаан баран, Ылдьаа төрөөбүт Намынан эргийэн, салгыы дьол көрдөһө Бодойбо бириискэлэригэр түһэр санааны булунар.
Булуңңа кини эр санаатын бө5өргөппүтэ, эр киһилии быһаарыныылаах буолбута. Олоххо эргиччи баттал, ата5астабыл сабардаабытын, кырдьык суо5ун  билбитэ. Киһилии олох, тыыннаах буолуу иһин кытаанахтык турууластахха эрэ табылларын өйдөөбүтэ.

1924-1927 сс. Булуңңа
Илья Егорович Винокуров 1924 сыл бэс ыйыгар правительство уонна партия органнарын быһаарыытынан Намтан ыңырыллар. Тута НКВД  боломуочунайынан ананан, Булуң уокуругар советскай былааһы олохтуу барар уонна Советтар тэриллиилэригэр Булун уокуругун Ситэриилээх Комитетын председателинэн быыбарданан үлэлиир.
Сэбиэскэй былааһы утары өрө турааччылар Пепеляев генерал армията урусхалламмытын кэннэ хоту мустан, бандьыыт саайкалара элбээбиттэрэ. Ол курдук, 1925 сыл кулун тутар 14 күнүгэр Новгородов 30 киһилээх, үчүгэй сэбилэниилээх баандата соһуччу, туох да утарсыыта суох, былааһы былдьаабыта. Сэбиэскэй үлэһиттэри, ол иһигэр Илья Егоровиһы туппуттара. 5 коммуниһы ытарга уураахтаабыттара. Илья Егоровиһы, округ исполкомун председателин,  бастакы уочаратынан этэ. Онуоха олохтоох нэһилиэнньэ туруулаһан туран, баандаттан бу дьону бэйэлэрин эппиэтинэстэригэр ылбыттара. Босхолоноот, бу дьон олохтоохтору кытта былааһы былдьаабыттара. Сэбиэскэй былаас эргиллибитэ. Тутуллубут бандьыыттары сааларын, сэптэрин былдьаан баран, дьиэлэригэр ыыталаабыттара. Баанданы эһэр сэбилэниилээх охсуһууну Илья Винокуров салайбыта, салгыы Булуңу харабыллыыр бойобуой этэрээт начальнигынан буолбута.
1926 сыллаахха ыраахтаа5ы офицера Храповицкий баһылыктаах баанда тобо5ун урусхаллаабыттара. Ити кэннэ Винокуровы Москва5а партийнай үлэһиттэр курстарыгар ыыппыттара. 1927 сыл сайыныгар Булуңңа төннөн кэлэн 2 сыл Булуң окружкомун компартиятын секретарынан үлэлиир. Бу сылларга кини гражданскай сэрии сылларыгар эстибит-быстыбыт хотугу киһини аччыктааһынтан быыһыырга үгүс үлэни ыыппыта. Ма5аһыыннар арыллыбыттара, табаар базалара тутуллубуттара, булчуттары, балыксыттары чэпчэки сыана5а туттар тэриллэринэн хааччыйары ситиспитэ. Оскуолалары, балыыһалары арыйтарбыта.