И.Е.Винокуров Бүлүүгэ.

И.Е.Винокуров Бүлүү оройуонугар 1937-1938 сс. үлэлээбитэ. Илья Егорович Винокуров Бүлүү оройуонугар сталинскай репрессия муңутаан турда5ына райсовет председателинэн, онтон райком бастакы секретарынан үлэлээбитэ. Онно бэйэтин туһунан хаалларбыт үтүө өйдөбүллэриттэн манныгы кэпсиэххэ сөп.
Винокуров са5ана райком иккис секретарынан үлэлиир Митрофан Васильев 20-чэ «норуот өстөөхтөрө» диэн ааттаммыт дьон испииһэктэрин оңорбут. Кини 20 киhини норуот өстөө5ө буолартан быhаабыта.
Оччолорго Винокуровы кытта бииргэ үлэлээбит дьон этэллэринэн, Илья Егорович испииһэк оңорооччуга эппит үһү: «Норуот өстөөхтөрүн булуу үгүс үлэттэн тахсыахтаах, элбэх дакаастабыллаах буолуохтаах, онон эн ити дьыаланан дьарыктанаргын тохтот, тымтыктанан сылдьан өстөө5ү көрдөөмө», -диэбит. Ити аата Винокуров дьыаланы хаамтарбакка архыыпка анньан кэбиспит.  Кини кыттыспата5а буоллар бу дьон дьыл5ата хайдах буолуон сэрэйиллэр эрэ. Оччолорго Бүлүү оройуонуттан дьону хаайыы суо5ун кэриэтэ эбит.
Илья Егорович дьоңңо улахан бол5омтолоохтук сыһыаннара, тута чопчу дьаһал ылара.
Бүлүү дьоно-сэргэтэ И.Винокуровы махталлаахтык ахтар, улахан аптарытыаттаах, норуот тапталын ылыан ылбыт салайааччы быһыытынан билинэллэр.